امي تقول عندكم ملح؟؟

السلام عليكم ورحمه الله..

مراحب..

بدخل على طول بالموضوع



اليوم كلمت بنت الجيران تبي علبه زبادي...!! تصدقون


من متى ماحد طق بابكم قال عندك ملح ولا بصل ولا امي تبي حبتين طماط؟



في الفتره الاخيره
العلاقات هذي فقدناها ..
فعلاً ما أذكر ان الوالدة قالت لاحد اخواني ولا أذكر أحد طق الباب يبي مثل كذا ..


ممكن تقولون إن النّاس تالي الوقت كثر خيرها الحمد لله .. وصارت الفلوس تغطي المصاريف ..
كلام صحيح .. الحمد لله .. لكن قبل ما كنا ا فقراء بعد..


وأجزم كانت نفس الحالة الإقتصادية لمتوسط العوائل .. إن ما كانت أكثر ..واحسن


قبل ما فيه جوالات ..واستهلاك عالي ومظااهر اجتماعيه و والأسعار كانت رخيصة ..و ..و



الفرق في نظري إن العلاقات المتينة الإجتماعية بردت ..
وصرنا نفضل نشتري على إننا نطلب من الجيران ..

لكن الأشياء البسيطة هذي او حتى مسأله( عندكم ملح ؟؟) .. ما تأثر .. وتبقي حلقة الوصل بين الجيران قويّة ..

مادري اذا تشوفون نفس اللي اشوفه؟؟





وهل اللي صاير سلبي ؟ و إيجابي ؟
..
كلنا نعيش بهـ المجتمع .. ورأي الجميع مطلوب ..



شكرا لمروركم مقدما